O mércores 9 de Xuño ás 20.00 horas disputa os cuartos de final contra o Somozas

A maquinaria da fase de ascenso volve a funcionar. O CD Choco xa ten data para a primeira eliminatoria na que se enfrontará ao Somozas. Uns cuartos de final que se fixeron esperar logo do caso positivo dun dos xogadores do plantel choqueiro que mantivo confinado a todo o equipo durante 10 días.

Este luns  e martes os xogadores pasaron unha nova PCR cuxo resultado permitiulle volver aos adestramentos o mércores logo de dar todos negativos.

Tan só unha semana, sete días, terán os de Gonzalo Fernández para preparar a eliminatoria. Un equipo ao que so lle vale a vitoria, xa que en caso de empate pasará de ronda o mellor clasificado nesta fase de ascenso.

O 13 de xuño e 20 son as outras dúas datas que se plantexan para disputarse a semifinal e a final.